سندريلا بس 2008

موضوع: سندريلا بس 2008 الجمعة يونيو 15, 2007 1:34 pm

قصة من حلقة واحدة

تدخل مرات الاب على سندريلا في الدولاب الي بتنام فيه
مرات الاب : بت يا سندريلا اصحى يا بت كاك خابط فى نفوخك
سندريلا : اييييه يا مرات ابويا خمسه اخطف حلم سريع بس وحقوم
مرات الاب: قومى يا بت قامت قيامتك
وصحيت سندريلا وهى بتأفأف وتفتــف
مرات الاب : يـاله قومى اكنسـى وامسحى على ما نيجى
سندريلا : وانتوا رايحين فين ومتزوقين كده وكل واحده عامله نيو لوك روش
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكوا انا عاوزه اروح بليز بليييييييز
مرات الاب : ايه بليز دى كتك القرف وتروحى فين يا موكوسه بلبسك المهرول ده انا عايزه ارجع الاقى البيت بيبرق من نضافته
ومشيت مرات الاب وبناتها الخمسة وقعدت سندريلا تعيـط وتئواء
وفجــأه طلعتلها الســاحره من البوتاجاز
الساحره : مالك يا سندريلا
سندريلا : كان نفسى اروح معـاهم الحفله بتاعة عمرو دياب بس لبسى مقطع و موبايلى مفهوش كريدت (رصيد) ولابسه شبشب بصباع
الساحره : ولا يهمك
وطلعت الساحرة من جيبها الموبايل وطلبت الاتيليه بتاع مدام لولو يبعتوا فستان وجزمه اخر موديـل
فرحت سندريلا ولبست وحطط الايشادو و الجليتور ورشت البرفان
بس الساحره قالتلها : قدامك للساعه 12 لازم ترجعى والوقت كالحبل ان لم تقطعه ربطك وكعبلك وقعد يخنق فيكى .........
انا صعيديه ودمى حامى ومعندش بنات تتأخر
و لو اتأخرتى حترجعى زى ما كنتى بلبسك القديم وسط الناس يامعفنة انتى بت بيئة صح
سندريلا : حاضر حاضر اما ساحره زبالة صحيح
سندريلا من البيت لقت الساحره مجهزة عربية هوندا ركبت سندريلا وراحت على القصـر
ولفت جمــالها كل اللى موجودين و اول ما عين الامير وقعت عليها راح وطلب يرقص معاها ووافقــت
نظرات ... همسات .... صمــت ........ حــــب
ترررررررررن ترررررررررررن
سندريلا : ده الساحره بتدينى ميسد كول .. يا خبر الساعه 12
وقامت طالعه تجرى وقال ايه ... وهى بتجرى فرده الجزمه اتخلعت .. و خدها الامير المعجب و نده للوزير
الامير : يا وزيرهيثـــــم
الوزير : امرك مولاى
الامير : خد الجزمه دى اسحبلى صورتها اسكانر
و نزل صورتها فى كل الجرايد وعلى الويب سايت بتاع قريتنـا وعلى قناة ميلودى افلام
واكتب الى صاحبه هذه الجزمه التوجهه للقصـر الملكــى فوراااااااااا
بنات كتير جدا راحوا ويا سبحان الله الجزمه مجتش على مقاس حد فيهم ( ال يعنى سندريلا مقاس رجليها رجل معزه )
وبعد كده شاهدت سندريلا الاعلان عن فرده الجزمه على MBC مع انه معملش اعلان خالص على القناة دى
وقامت بالتوجهه الى القصر وتزوجت هى والامير
وعاشوا فى تبات ونبات و خلفوا تؤام ملتصق وشويه بنات والحياة بقت بمبى بمبى .

هو التؤام الملتصق اسمهم ايه ؟؟

ههههههههههههههههههههههههههههههههههههه

بس جامدة بجد يا معلم

ههههههههههههههههههههههههههههههههههههههههههه

مش ممكن ياريس انا كنت بجد هموت من الضحك

قصة مش ممكن ديه القصة قلبت خالص

ديه سندريلا شكلها بقت من العيال المجنـونة

لالا ههههههههههههههههه دى سندريلا 2008

ههههههههههههههههههههههههههههههههههههههههههههههههههههههه

جامدة جدا يا Boss

هههههههههههههههههههههههههههههههههههههههههههههههههههههههههه
جامده وش يا بريتنى
لأ رهيبه بجد

باك بعد غياب يا جماعة

هو انا اغيب اغيب و ارجع الاقى الريس منزل مواضيع غاية فى الروعة

ههههههههههههههههههههههههههههه انت شحورت سندريلا يا بوس

و دمتم سالمين و على طول مجانين

» WWE.RAW.1.1.2008 XViD~700 MB Rm~280 MB
» عرض WWE SmackDown 18/4/2008
» عرض TNA Impact 17/4/2008
» أغانى سنجل 2008
» the rock return 2008